6
УПАТСТВО ЗА УПОТРЕБА МК
Производот што го купивте е во согласност со светските
стандарди. Тој е резултат на комбинација од првокласни
материјали, висока технологија и умешност на високо
квалификувани стручњаци.
Не’рѓосувачкиот челик 18/10 Cr-Ni е најчесто користен
тип на не’рѓосувачки челик и еден од најхигиенските
материјали што се употребуваат во светот. Следењето
на следниве основни упатства ќе ви овозможи да ги
користите вашите садови за готвење со максимална
ефикасност.
Препораки:
Пред првата употреба, отстранете ја сета амбалажа и
етикети од садовите. Измијте ги садовите во машина за
садови или рачно, со помош на течен детергент и топла
вода, а потоа избришете ги.
За време на готвењето
Погрижете се дното на садот да одговара на дијаметарот
на грејната површина,т.е. зоната за готвење или
пламенот на горилникот. Ако садот е преголем во однос
на површината на загревање, времето на готвење ќе
биде подолго; ако пак е премал, надворешноста на садот
може да потемни поради прекумерна температура.
За време на готвењето, не отворајте го капакот пречесто
зашто тоа доведува до загуба на течност и топлина.
При готвење на течност или многу сочни јадења,
додадете една лажица вода секојпат кога ќе го отворите
капакот.
Векот на употреба на садовите од не’рѓосувачки челик ќе
биде пократок ако ги оставате празни на вклучена грејна
површина.
Корисни совети за готвење вкусна и здрава храна
1. Сокови: Соковите од храната содржат витамини и
други вредни состојки кои се од витално значење за
вкусот на јадењето. За најдобар квалитет на
храната, не користете масло или вода при
готвењето. Храната приготвена на овој начин ќе
биде повкусна ако се послужи со соковите
испуштени во садот.
2. Соодветна големина на садот: Пред готвењето,
изберете садови за готвење според количеството
храна што треба да се зготви. Храната не треба да
зафаќа повеќе од 2/3 од вкупната висина на садот.
3. Време на готвење: Кога храната ќе зоврие, намалете
ја топлината или јачината на плочата. Ако е можно,
не отворајте го капакот за соковите да се задржат во
храната и таа да биде зготвена на здрав начин.
4. Совет за заштеда на енергија: кога храната ќе
зоврие, намалете ја јачината на плочата. Неколку
минути пред крајот на готвењето, исклучете ја
плочата. Храната ќе се готви со помош на топлината
апсорбирана во дното на садот.
Корисни совети за чистење и одржување:
1. Правилно одржување на вашите садови за готвење:
По секоја употреба, измијте ги садовите во машина
за садови или рачно. При миењето, не користете
метални четки или груби предмети, бидејќи може да
направат гребнатини. По миењето, избришете ги
садовите со сува крпа до висок сјај.
2. Пред чистењето, почекајте садовите сосема да се
изладат.
3. Миењето садови со пластични рачки во машина за
садови, со текот на годините може да предизвика
промена на бојата на рачките. Меѓутоа, ова не
влијае на квалитетот или употребата на рачките.
При миење на садовите во машина за садови,
користете исклучиво производи за миење садови во
количества наведени во релевантните упатства. Не
користете високо концентрирани индустриски
средства за чистење. При рачно миење на садовите,
користете топла вода со малку детергент за садови,
мек сунѓер или мека четка. Никогаш не користете
метални четки, груби предмети или средства за
чистење. За тврдокорните нечистотии во
внатрешноста или на надворешноста од садот за
готвење, користете ја грубата страна од сунѓерот за
миење садови.
4. Не оставајте остатоците од храна да се засушуваат
на садовите за готвење.
5. Совет за заштита на садовите обложени со
специјален слој. За да се обезбеди долг век на
траење на производите, препорачуваме миење на
садовите со топла вода, течен детергент и мека
крпа. Не користете агресивни средства за чистење
или груби предмети.
6. Посебни совети за готвење во садови од
не’рѓосувачки челик. Не чувајте ја храната во садот
долго време, бидејќи тоа може да предизвика
промени на површината од нерѓосувачкиот челик. За
површината да остане во оригиналната состојба,
препорачуваме да се користат средства за чистење
од Горење или од други производители.
Гаранција
ГАРАНТЕН ПЕРИОД: 5 ГОДИНИ
Оштетувањето на садовите кое е резултат на
неправилна употреба, како што е прегревање, промена
на бојата, гребнатини, капки, намерно оштетување
или неправилно чистење, не се предмет на гаранција.
Освен тоа, барањата за гаранција поради гребнатини
не се прифаќаат.
Во случај на барање за гаранција или приговор за време
на гарантниот период, ве молиме вратете ги сите садови,
заедно со сметката, кај вашиот продавач или
контактирајте со центрот за клиенти на Горење. Ако нема
таков центар во вашата земја, ве молиме контактирајте
со најблискиот продавач на Горење или со одделот за
мали куќни апарати на Горење.
Територијална важност на гаранцијата:
Гаранцијата важи на територијата на Република
Македонија. Секое барање за гаранција може да се
поднесе само на територијата на која важи гаранцијата.
Предупредување!
Гаранцијата и барањата за гаранција не ги исклучуваат
правата на потрошувачите во врска со одговорноста на
производителот за недостатоците на производот.
Не е за комерцијална употреба!
Го задржуваме правото на измени.
Csatlakozzon a termékről folytatott párbeszédhez
Itt megoszthatja véleményét a Gorenje CW09ES Serpenyő-ról. Ha kérdése van, először figyelmesen olvassa el a kézikönyvet. Kézikönyv igénylése kapcsolatfelvételi űrlapunk segítségével történhet.